Movie Library

Sikat ang Pinoy – Bulkan ng Apo – Ang Mount Apo ay isa sa mga sikat na tanawin na matatagpuan sa Mindanao. Eto ang pinakamataas na bulkan sa buong Pilipinas na umaabot ng 2954 meters kaya naging sikat ang bulkang ito. Ang Mount Apo ay hango sa salitang “Apo” na ang ibig sabihin ay “master” o “grandfather”. Isa rin itong tourist spot sa Pilipinas. Marami ang humahanga sa tanawin ng Mount Apo. Ang Mount Apo ang pinaka popular na climbing destination ng mga tao sa Pilipinas at ang unang naitala na pag-akyat sa bulkan na ito ay noong Oktubre 10, 1880 na pinangungunahan ni Don Joaquin Rajal.

Idiniklara ni President Manuel L. Quezon bilang National Park ang Bulkang Apo noong May 9, 1936 at dito na nagsimula na dumagsa ang mga nais masasaksihan ang kagandahan ng Mount Apo. Pinamumugaran rin ito ng humigit kumulang 270 bird species.

Di lang sa galing at talento naipapamalas ng mga Pinoy na sila ay sikat maging sa mga magagandang tawin na makikita sa ating kapaligiran.

Sikat ang Pinoy – Pagdating talaga sa larangan ng Musika di natin makakaila na magaling ang Pinoy. Katulad na lamang ni Sarah Geronimo, Charlie Brown, Charice Pempengco, Lea Salonga at marami pang iba. Pero higit sa kanila ay may isa akong idol pagdating sa larangan ng RAP, bukod kay Francis M at Andrew E. Walang iba kung di si Gloc 9.

Si Gloc 9 ay isang sikat na pinoy dahil sa kanyang anking galing at husay pagdating sa Rap. Nakita ang kahusayan ni Gloc 9 dahil sa kanyang kabilisan sa pagsasalita. Aristotle “Aries” Pollisco ang tunay na pangalan ni Gloc 9 at siya ay isinilang noong Oktubre 18, 1977.

Nanalo narin si Gloc 9 bilang Best Rap Artist sa Philippine Hip-Hop Music Awards sa 3 magkakasunod na taon mula 2005 – 2007 at nakilala rin sya  at pinarangalan ng MYX at MTV Music Awards. “A blacksmith of words and letters, and a truee Filipino poet.” ani pa ni Francis Magalona, isa ring sikat na Filipino rapper sa ating bansa.

Tunghayan natin ang isa sa mga musika at galing na inaambag ni Gloc 9 sa larangan ng musika.

Dahil kay Gloc 9, masasabi nating sikat ang pinoy, kahit sa larangan ng musika.

Sikat ang Pinoy sa Puto’t Dinuguan – Di talaga nating maitatanggi na likas sa ating mga Pinoy ang may kahusayan at kagalingan sa pagluto na kahit anong putahi’t ulam. Isa rin ito sa mga dahilan kung  kaya’t Sikat ang Pinoy. Ang Dinuguan ay isa sa mga putahing makikita natin sa mga Pinoy na niluluto kapag Fiesta o di kaya kahit sa ordinaryong araw lang para gawin nilang ulam. Masarap i pares ang dinuguan sa puto kung kaya’t karamihan sa mga pinoy ay makikita mo na kapag kumain sila ng dinuguan ay paparesan nila ng puto.
Masarap talagang kainin ang puto’t dinuguan. Kaya nga maraming nagluluto nito sa mga tahanan, sa mga karenderya at maging sa mga fiesta.

Ang Dinuguan ay tradition na ulam at pagkain ng pinoy at ito ay sinasangkap ng mga laman at bituka ng baboy, dugo ng baboy, tainga at iba pa. Sa iba, nadidirian sila sa ganitong luto dahil raw ang sangkap ay intestine o mga bituka ng baboy, pero depende naman sa nagluluto kung paano niya muna hugasan ang mga sangkap bago iluto.

Tara na at tikman niyo kung gaano kasarap ang mga lutong Pinoy katulad ng Puto’t dinuguan.

Ang Yugto ay isa sa pinakasikat na kanta ng isang magaling na banda ng Rivermaya na pinamumunuan sikat na Pinoy na si Rico Blanco, maliban sa kantang pinasikat ni Rico Blanco katulad ng Bangon.

Sikat na sikat talaga si Rico Blanco dahil sa mga kanta niya. Panoorin nyo ang music video ng Yugto na kinanta ni Rico.

Pinoy Sudoku Grandmaster - Sarah Jane Cua

Sikat ang Pinoy – Di talaga natin maikakaila na talagang mahusay at magaling tayong mga Pinoy pagdating sa Sudoko. Ang Sudoku ay isang laro kung saan pinapagaan ang iyong logic na pag-iisip na ang layunin ay punuin ang mga kahuon ng numero (tunghayan sa wikipedia.org kung ano talaga ang sudoku).

Kamakailan lang ay natunghayan natin ang isang batang babae na magaling at mahusay sa sudoku. Isang 15 anyos na studyanteng babae na nanalo sa 4th Philippine Sudoku Challenge finals noong nakaraang Sabado. Tinalo nya ang 21 na mga kalahok at pinarangalan syang bilang “The Country’s Sudoku Grandmaster”. Siya ay walang iba kundi si Sarah Jane Cua, isang 3rd year high school student sa Pangasinan Universal Institute.  Nakuha niya ang pinakamataas na puntos sa Grandmaster Division ayon sa Mathematics Trainers Guild (MTG).

Ayon kay Dr. Simon Chua, president of contest organizer ng MTG-Philippines, na mahigit kumulang 118 na mga kalahok ang sumali, studyante at mga professional sa tatlong kategorya: Sudoku Whiz Kid, Sudoku Wizard and Sudoku Grandmaster. Si Sarah Jane Cuah ay nakakuha ng 1,601 na puntos sa Grandmaster division sa limang round para mapanalunan niya ang titulo bilang Grandmaster at umuwi pa siya dala ang P 60,000 na cash prize at trophy.

Ang mga ibang kalahok na sumali na nanalo ay sina Matthew Chris Chan (Manila), first runner-up; Mariel Alexis Dee (Metro Manila), second runner-up; Jayhan Regner (Cagayan de Oro City), third runner-up; and Frederick Ong (Bacolod City), fourth runner-up.

Naging pambato rin ng Pilipinas si Sarah Jane Cua para sa Brand’s Asia Pacific Open Sudoku Contest na ginanap sa Singapore na nanalo ng grand prize noong taong 2008.

Ethan Riley Chan ng Zamboanga City, ay nanalo rin bilang kampyon sa kategoryang Sudoku Whiz Kid at nag-uwi ng cash prize na 20,000. ang iba pang nanalo ay sina: Magin Benedict Ferrer ng Iloilo City, bilang first runner-up; Lorenzo Jose Baquiran ng Iloilo City,  bilang second runner-up; Kate Ann Adlaon of Lucena City, bilang third runner-up; at Candice Renee Beatric Solidarios of Calamba City, para sa fourth runner-up.

The 4th Philippine Sudoku Super Challenge ay inorganisa ng MTG sa tulong rin ng SM Supermalls, SHARP Calculators, SM Bowling, Phoenix Publishing, National Bookstore, DDB, Europa PR, at Ogilvy Philippines.

Di talaga matutumbasan ang galing ng mga Pinoy, kaya nga nararapat lang tayong tawaging, Sikat ang Pinoy!!!

Si Eric Celino Spoelstra, ay ang kauna-unahang naging Head Coach na Filipino-American sa NBA. Ang 2006 na kampeon ng NBA na Miami Heat ay pinili ang 37-gulang na Fil-Am para palitan ang paalis nang si coach Pat Riley. Si Spoelstra na nag ugat ang pamilya sa San Pablo, Laguna ay ang pinakaunang tagaturo na Pinoy at tinuturing na pinakabata sa liga.

Ayon pa kay Pat Riley, ang batang coach na si Eric ay isa sa mga pinaka matalinong coach sa mahabang panahon na nagdala ng korona sa Heat noong 2006.

Si Spoelstra, na anak ng isang Irish-Dutch Jon Spoelstra, isang matagal ng tagapamahala ng NBA na sangkot sa Portland Trail Blazers, Denver Nuggets at New Jersey Nets, ay ipinagmamalaki ang kanyang pinang-galingang lahi kahit na alam naman nating tumanggi na siyang maglaro sa PBA.

Dito natin mapapatunayan na Sikat ang Pinoy hindi lang sa Pilipinas kungdi sa iba ring bansa at sa mga mabibigat na obligasyon katulad na lamang ng trabahong eto ni Eric Celino Spoelstra.

Sikat ang Pinoy kay Efren “bata” Reyes na nanalo ng isa na namang pangunahing kompetisyon ng bilyaran sa Estados Unidos.

Ang maalamat na manlalarong si Bata ay tinalo si Brandon Shuff 15-8 sa 10-Ball Challenge sa Horseshoe Casino and Hotel sa Indiana, USA.

Ang 55-taon gulang na Hall of Famer ay nasa ganap na kontrol ng tunggalian, ang pagkuha ng iskor na 6 kontra 0 na naging daan para ma maparalisa ang kalaban at masungkit ang panalong $6,500 (humigit-kumulang P310, 000) karagdagang yaman.

ang tawag sa kanya bilang “The Magician,” si Reyes ay ipinapakita ang isang nakaka manghang mga tira sa lahat ng laban at tinalo ang lahat ng 16 manlalaro sa eliminasyon hanggang sa final na walang katalo-talo.

Naging kalaban din ni Efren Reyes ang dakilang si Johny Archer nd Estados Unidos at nagtaob ng 15-9. Dito natin mapapatunayan na Sikat ang Pinoy sa kahit anumang larangan. Mabuhay ka Pinoy!

Sikat ang Pinoy kay Lito Sayasa, isang pampublikong guro sa Maryland kung saan nakatanggap ng gantimpala bilang “Teacher of the Month” galing sa “Prince George’s County Public Schools”.

Ang pinoy na eto ay nagtuturo na ng halos labing siyam na taon at kasalukuyang nagtuturo sa probinsyang eto ng apat na taon.

Ang tangi nyang sagot kung bakit nya mahal at nagustuhan ang trabaho bilang guro ay inspirado talaga siya dahil sa kasabihang eto mula sa mga tsino “The most satisfying thing in life is to see a child confidently walk down the road on his own after you have shown him the way to go.” Ibig sabihin ay nakakataba talaga ng puso na makita ang isang batang natututo sa iyong pamamaraan ng pagtuturo.

Hindi lang inihahanda ang isang bata sa akademik kungdi nililinang din ang kakayahan nitong maging handa na lutasin ang mga problema sa totoong buhay.

Tunay na kahanga hanga ang taong eto dahil naging Sikat ang Pinoy sa larangan ng pagtuturo lalo na sa ibayong dagat kung saan pinatunayan nyang siya ay sadyang may potensyal.

Ang bangon ay isang awiting nagbibigay pag asa sa mga nasalanta ng mga unos lalo na ng Bagyong Ondoy. Dito nagising ang bayanihan kung saan ang milyon milyong Pilipino ay naging isa. Walang kami, walang kayo kungdi ang hangarin ay ialay ang sarili sa iba para tumulong.

Marami ang na antig sa nilalaman ng kantang ito kung saan taglay talaga ng pinoy ang dugo ng tunay na Filipino kugn saan hindi sumusuko at sasabay na lang sa kanta na bangon Pilipinas kong mahal akay ang pananampalataya sa maykapal.

Ang kantang ito isa na namang tunay na gawa ng Sikat na Pinoy na si Rico Blanco. Panoorin nyo at pakinggan ang bidyu sa ibaba para maantig rin kayo sa niloloob ng awiting ito. Mabuhay ka Rico at isa kang tunay na Pilipino na gumagawa ng mga awiting para sa Pilipinas mong mahal at sa mga tao nito.

Naging Sikat ang Pinoy dahil sa Boracay Mansion ng dating Presidente na si Erap. Walang sumali sa subasta ng buksan ito ulit sa ikalawang pagkakataon sa publiko. Eto ay nagkakahalaga ng Php142.9 milyon at walang nag ka interes na bilhin eto.

Ang Boracay Mansion ay bahagi ng hindi maipaliwanag na yaman ng mga Estrada na kung saan ay inihayag sa kainitan ng pagpapatalsik sa kanya noong 2000 hanggang sa unang bahagi ng 2001.

Ano kaya ang dahilan bakit hindi man lang nag kainteres ang sino man na ito ay mapasa sa kanila. Ayaw kaya nilang maging bahagi sila ng madilim na nakaraan ng pag aari na eto o talagang ayaw lang nilang lustayin ang malaking pera nila para sa walang kwentang pag aari na eto?