Disyembre a-trenta ang petsa kung saan ang ini-idolo ng sambayanang Filipino ay binaril sa may  Luneta. Si JOSE RIZAL, ang pambansang bayani ng Pilipinas at pinagmamalaking lahi ng mga Malay ay ipinanganak noong Hunyo 19, 1861 sa bayan ng Calamba Laguna. Siya ay ikapitong anak sa labing isang magkakapatid (2 lalaki at 9 babae). Ang kanyang ama na taga Binan Laguna ay si Francisco Mercado Rizal, isang masipag na magsasaka kung saan tinagurian ni Rizal na “modelo ng mga ama” habang ang kanyang ina na si Teodora Alonzo y Quintos na ipinanganak sa Meisic, Sta. Cruz, Manila ay isang mapagmahal at maingat na ina.

Sa edad na tatlo, nalaman nya ang alpabeto sa tulong ng kanyang ina; at sa edad na lima, habang natututo siyang magbasa at magsulat, ipinamalas na nya na siya ay may kakayahang maging isang mangguguhit. Sa katunayan, naging paraan ito para mamangha ang kanyang pamilya at kaanak.

Mga alaala lamang ito ng isang pambansang bayani na kung saan noong Disyembre 30, 1896 ay binaril sa may bagumbayan (Luneta ngayon). Ang mga alaalang ito kung saan sikat ang pinoy ay hindi dapat malimutan at isantabi lalo na ng mga kabataan na pinangalanan nyang pag-asa ng bayan.

Muli po ay ating gunitain ang kanyang kadakilaan sa kanyang ika-113 na anibersaryo ng kanyang pagkamatay. Mabuhay ka Gat Jose Rizal. Mabuhay ang Pinoy!

No related posts.

Related posts brought to you by Yet Another Related Posts Plugin.